Ffordd fwy syth

Mae’n ymddangos dy fod ti ar y trywydd iawn, ond dyw’r daith ddim ar ben eto. Yn bwysig iawn, rwyt ti’n meddwl am yr hyn mae dy blentyn yn ei brofi, ac rwyt ti’n gallu gofyn iddo/iddi sut mae’n teimlo. Rwyt ti’n cydnabod y bydd adegau pan fyddi di’n anhapus neu’n flin – gyda’r sefyllfa neu dy gyn bartner – ond rwyt ti’n ymrwymo i weithio drwy’r adegau anodd hyn a gofyn am help pan fydd ei angen.

Os wyt ti wedi gadael unrhyw un o’r datganiadau hyn heb eu ticio, bydd y canllaw hwn yn werthfawr i ti beth bynnag. Wrth i ti weithio trwy’r canllaw hwn, byddi di’n gweld syniadau amrywiol a all wneud gwahaniaeth i fywyd dy blentyn, a dy helpu i roi tic ger mwy o’r datganiadau sy’n adlewyrchu dy fod ti ar ffordd fwy syth.